ارتئيت ان انزل لكم طريقة تحضير زيت الجرجير لانه بالفعل غاية في الروعة بالنسبة لشعر
واكيد كلكم عارفين المزايا ديال هاد الزيت اومنحتاجش ندكركم بها يلاه على بركة الله نبدا
بسم الله الرحمان الرحيم
المقادير:
قبطة جرجير
سكين لتقطيع هههه ياك شفتو العياقة زعما انتما ماعرفينش باش تقطعو ؟؟؟هههه
كاسرولة
زيت نباتي كيفما حبيتوه
النار تكون مهيلة بزاف على حدها ههههه حتى هي ضمن المقادير الى ماكنتش
مكاين لا زيت لا والووووو هههههه
وهاهي المكونات غير ماصورتش النار سمحو ليا بزاف ههههه
الطريقة :
ناخدو الجرجير نغسلوه مزيان ونحطوه فوق طبلة يبات الليل كامل حتى يتسقر مزيان والغد خوديه حبيبتي ونشفيه مزيان فمنديل نضيف مزيا مزيان مزيان مزيان كناكد يتنشف مزيان متبقاش فيه حتى قطرة ماء باش ينجح لينا زيت الجرجير تم نعملوه فكاسرونة مقطع ونغطيو عليه بزيت نباتي ونعملوه فوق نار مهيلة على حدها الاقصى راني بغيت نحط ليكم الصورة لاكن الله غالب وبغاتش تدوز ليا حيت كبيرة المهم وبقاو حداه متمشيوش تقديو شغالكم لا بقاو لاصقين حداه هههههه بالصح كنقولكم متفاوتوش من حدا الكاسرولة حتى تحسو بالزيت سخن وطفيو النار عنداكم تخليو الزيت حتى تغلي راه الى غلات مشات على عينيكم ضبابة ههههه مابقيتو استافدتو والو من هداك الجرجير ها ودني منكم هههه بصح معاكم متخليوش الزيت تغلي راه غادي يتحرق العشب المهم غير تحسو به سخن زولوه من على النار وغطيوه وخليوه حتى للغد وعاود كررو نفس العملية غير التسخين ماشي الغليان ردو البال وركزو مزيان فهادشي الي كنقول ونفدو التعليمات بحدافيريها ههه المهيم كل يوم عملو عملية التسخين لمدة اسبوع ملي تكمل مدة اسبوع صفيو الزيت بمنديل نضيف واحتافضو بها وبصحتكم وراحتكم زيت الجرجير
وهاهي فالصورة
0 التعليقات:
إرسال تعليق